13.07.2010
Bjåen - Bukkenuten laurdag 17. juli: Vandretur i fjellet sitt mangfold
2010 er FNs internasjonale år for naturmangfold. Vandreturen lørdag fra Bjåen Fjellstove til Bukkenuten markerer dette, med tema "Geologien som grobotn for liv og virke på fjellet". Foto: Arne Nyaas NVS Sør ved Tina og Brita inviterer til vandretur i flott natur lørdag 17. juli: - Norsk Villreinsenter Sør markerar FN sitt internasjonale år for naturmangfald gjennom fleire arrangement i 2010. Komande laurdag, 17. juli, byr me, i samarbeid med Vinje kommune, FN-sambandet Sør, Telemark Turistforening (TTF) og Statens Naturoppsyn (SNO), på vandretur med følgjande tema:. «Geologien som grobotn for liv og virke på fjellet». Turen, som startar ved Bjåen Fjellstove og går opp mot Bukkenuten, går i fjell- og heitrakter i Setesdal Austhei villreinområde. Dette ber preg av rolege landskapsformer med fjellbjørkeskog og myrområde nedst, medan ein lenger oppe har snaufjell med nutar og kollar.
Det blir ein tur med stopp undervegs, der ein får høyre om mangfald både i natur og kultur. Etter turen kan ein bli med på eit måltid på Bjåen Fjellstove, der Ragnhild Bjåen fortel om denne tradisjonsrike staden.
Sjå heimesidene til Vinje kommune, SNO/NVS eller TTF. Ynskjer du å vere med, så kontakt Vinje kommune – tenestetorget og meld deg på!
Velkomen!
Informasjon:
Tidspunkt: Laurdag 17. Juli kl 10.00
Møtestad: Bjåen Fjellstove ved riksvegen mellom Haukeli og Hovden
Turlengde: Omlag 6-8 km / 4-5 timar
Terreng: Fjellterreng med lett stigning, noko småkupert
Målgruppe: Interesserte i alle aldrar
Klede og utstyr: Vanlege turklede etter tilhøva, gode fjellsko, mat og drikke
Turleiarar/rettleiarar: Tina Dahl og Brita Homleid Lohne frå SNO/NVS og Jon Ingebretsen frå TTF
Sjølve turen er gratis, medan pris for kortreist tradisjonsmat på Bjåen Fjellstove er kr. 200,- for vaksne og kr. 50,- for ungar under 15 år.
Påmelding: Vinje kommune – tenestetorget tlf. 35 06 23 00 innan 16. juli
Last ned teksten (pdf)
<< Flere...
|